I. Eragin Eguna ospatzen ari dira urte guztian eskubaloiaren bueltan ibiltzen diren herritarrak: jokalariak, haien gurasoak, entrenatzaileak, eta abar. 10:00ak aldera ekin diete jokalarien eta gurasoen arteko lagunarteko partidei Kirola kiroldegian, eta nor baino nor aritu dira eguerdira arte. Ondoren, trikipoteorako tartetxoa hartu dute; eta aurki, 14:30 aldera, ikastolaruntz joango dira, han bazkalduko baitute.
Bazkaldu eta gero, festak jarraitu egingo du. 16:30ean hasita, Elortzak eta Larrañagak Jazpana erromeria eskainiko dute; 17:30ean jolasak egingo dituzte; eta 18:30ean erromeriaren bigarren saioari ekingo diote Elortzak eta Larrañagak.