Apirilaren 25etik itxita egon da Hondartza bideko errailetako bat, bidegorriko lanak direla-eta. Ibilgailuek herrira sartzeko baino ezin izan dute erabili errail hori, eta herritik irteteko, aldiz, Estropalari kalera jo behar izan dute. Oinezkoentzat, Estropalari kalea edo txaleten aldeko espaloia izan dira hondartzara joateko bide bakarrak.
Espaloi-aldaketa
Ekainaren 15etik aurrera, argiteria berritzeko lanei ekingo diete txaleten aldeko espaloian eta, obrek irauten duten artean, kendu egingo dira bertako aparkalekuak. Gauzak horrela, aldatu egingo da oinezkoentzako espaloia, eta "ibilgailuen sartu-irtenak ahal den neurrian murrizteko" eskatuko die Udalak Hondartza bideko bizilagunei. Espaloiko baldosak jarri ahala, ibilgailuek bi egunez debekatua izango dute haien gainetik pasatzea. Beraz, bi egun horietan, autoak barruan ala kanpoan izan beharko dituzte bizilagunek, espaloiaren gainetik pasa ez daitezen. Udal Gobernuak ziurtatu duenez, bizilagunei "banan-banan" emango zaie lan horien berri, eta bidegorria udan prest izatea aurreikusten du.