2022-2023 ikasturtean matrikulatzeko epea zabalduko du Danbolin Musika Eskolak datorren astelehenean, ekainak 20. Hortik aurrera, hiru epetan banatuko da izen-ematea:
- Ekainaren 20 eta 21ean: 2021-2022 ikasturtean Danbolin Musika Eskolan matrikulatuta egon direnentzat bakarrik.
- Ekainaren 22tik uztailaren 1era: iazko ikasleek zein berriek eman dezakete izena.
- Irailaren 1etik 7ra: gaur egungo ikasleentzat zein berrientzat.
Ikasketak
Irailaren 12an abiatuko den ikasturteak ondoko ikasketak izango ditu:
- 1. maila (4, 5 eta 6 urtekoak): Musika eta mugimendua.
- 2. eta 3. maila (7 urtetik aurrera):
- Musika mintzaira (2. maila).
- Instrumentuak: txistua, klarinetea, saxofoia, flauta, trikitixa, tronpeta, biolina, gitarra klasikoa, eskusoinua, pianoa, perkusioa, panderoa, biolontxeloa, kantua eta gitarra elektrikoa. Bestalde, euskal dantzako eskolak ere badaude.
Informazio gehiago
Instrumentu guztiok ikasteko plaza libreak geratzen dira oraindik. Musika eskolari buruzko informazio zehatzagoa, www.orio.eus/udala/udal-departamentuak/musika-eskola helbidean eskuragai.
Izen-ematea eta informazioa
Izena eman edo informazio gehiago jasotzeko, Danbolin Musika Eskolan bertan (Iturbide kalea, 18.), 943 833 727 telefonora deituta nahiz danbolinme@gmail.com eposta helbidera idatzita.