Erre. Aldarri bat bertsoz emanaldia aurkeztuko dute ekainaren 10ean, ostiralean, Haizea eta Oihana Aranak, Aner Peritzek eta Leire Vargasek. Orioko Kultur Etxean izango da saioa, 19:30ean hasita, eta sarrerak online eros daitezke 5 eurotan. Horrez gain, kultur etxean gaur arratsaldetik aurrera jarriko dituzte salgai.
Norbere gorputza eta bertsolaritza zeharkatzen dituzten 10 eszena lantzen ditu ikuskizunak, eta hainbat dualismo hartzen ditu hizpide: "Mundua bereizteko eta jendea sailkatzeko baliatzen diren etiketek eskaintzen duten markoa egokia izan daiteke norbere gorputza, eta baita bertsolaritza ere, zeharkatzen dituzten hainbat fenomenori buruz hausnartu eta sortzeko".