Osasun larrialdia dela eta, abuztuaren 29rako iragarrita zeuden sardina-jana eta trikitilarien emanaldia bertan behera uztea erabaki du Udalak. Bi ekimenak Ikastola ondoko plazan egitekoak ziren, 19:00etan, baina segurtasun neurri guztiak bermatu ezin direla ikusita, bertan behera utzi dituzte.
Hala ere, egun horretarako programatutako plazako kontzertua egitea aurreikusten dute. 'Manez eta kobreak' taldearen emanaldia iluntzeko zortzietan hasiko da plazan, baina udalak ikusle kopurua mugatuko du. Sarrera doakoa izango da, eta aulkiak betetzen direnean, itxi egingo dute gunea.