Muntoko haur parkea egokitu dutela jakinarazi du udalak, "oso aproposa delako jolas bideraturako, zein librerako". Horrela, piknika egiteko lau mahai jarri dituzte tirolinaren parkearen ondoko berdegunean, edozeinek erabiltzeko. Bestetik, Muntoko ibilbidea eta aparkalekua lotzen dituen pasabidearen zoladura aldatu dute, ibiltzeko erosoagoa izan dadin.
Gune hori garbi mantentzeko eskatu du udalak, "gutxienez, aurkitu bezain garbi utziz gero, ez da arazorik izango gai horrekin". Aldi berean, hondakinak sailkatzeko edukiontziak behar bezala erabiltzeko deia egin du.
