COVID-19ak sortutako krisia dela eta, ohar bat argitaratu du Txurrumuski aisialdi elkarteak, uztaileko Udaleku Irekiekin zer gertatuko den argitzeko. Oharrean Txurrumuskiko kideek azaldu dute, "oso zaila, eta ziurrekin ezinezkoa" iruditzen zaiela aurten udalekuak antolatzea. Dena dela, egunak aurrera egin ahala, erabakiak hartzen eta horien berri ematen joango direla jakinarazi du elkarteak, "ezin baitugu jakin zer gertatuko den datozen hilabeteetan".
Bestalde, Orioko Udala eta Txurrumuski elkartea elkarlanean daudela ere jakinarazi dute oharrean, segurtasuna bermatuko duten aukerak aztertzen ari baitira.