Urtea hastearekin batera ireki da haur eskoletan matrikulak egiteko epea. Urtarrilaren 7tik 13ra arteko egunak eduki dituzte gurasoek haurrak matrikulatzeko 0-2 urte arteko haurtzaindegi zerbitzu publikoan; beraz, astelehen hau izango da azken eguna izena emateko.
Matrikula egiteko Orioko haur eskolara gerturatu beha da, baina informazio zehatza nahi duenak telefono honetara dei dezake: 943-89 06 25.
Aian urte osoan zabalik izen-ematea
Aiako Kimu Haurreskolan ere eman daiteke izena. Baina, arduradunek zehaztu dutenez, matrikulazio epea beti izaten dute zabalik han. Beraz, haurra bertara eraman nahi duenak 943-13 46 65 telefono zenbakira dei dezake, edo mezua idatzi kimu.aia@haurreskolak.eus helbidera.