Orioko Etxeluze Gaztetxeak Bertsio Gaua antolatu du abenduaren 28rako, larunbatarekin. Lotsa alde batera utzi eta oholtza gainera igotzera animatu dituzte herritarrak. Bertsio Gauean parte hartu nahi dutenek, K2 eta Errusta tabernatan eman dezakete izena abenduaren 22a baino lehen.
Parte hartzaileek, egun bertan, arratsaldeko 19:00etan azaldu beharko dute Etxeluzera. Horrez gain, aurrez gaztetxean entseatzeko aukera izango du nahi duenak. Entseguak adosteko, astero, astearteetan 19:30tan azaldu daiteke Etxeluzera, antolatzaileak bertan egongo dira.
