Arkupe elkarteko merkatariek Stock Azoka egingo dute Herriko Plazan, abuztuaren 24an, 10:00etatik 20:00etara. Normalean asteburuko ekimena izaten bada ere, aurten egun bakarreko azoka egitea erabaki dute merkatariek, eta eskaintza bereziak izango dituztela jakinarazi dute. Gainera, azoka girotze aldera, DJ Arosek saioa emango du eta Balea tabernak pintxoak eta edaria eskainiko ditu. Beraz, Arkupeko kideek herritarrak hilaren 24ko azokara gonbidatu dituzte.
Hurrengo dendek parte hartuko dute Stock Azokan: Mara, Argiñe, Tipi-Tapa, Berezi, Expo, Lucia, Soia eta Itziarrek.