Asteburuan Espainiako Arraunketa Olinpikoko txapelketa jokatu da Banyolasen, eta Orio Arraunketa Elkarteko arraunlariek hiru domina eskuratu dituzte. Alde batetik, absolutu mailako gizonezkoen skull laukoak urrezko domina irabazi du, eta bestetik, jubenil mailako gizonezkoen skull bikoak eta emakumezkoen skull laukoak brontzezko domina lortu dute.
Horrez gain, bi ontzi podiumaren atarian geratu dira, laugarren postuan sailkatuz, kadete mailako emakumezkoen zortzikoa eta jubenil mailako gizonezkoen lemazaindun laukoa.