Pasa den igandean, maiatzak 19, Nazioarteko Estropadak jokatu zituzten Cazaubon-en (Okzitania, Frantzia). Bertan izan ziren Orioko arraunlari gazteenak; hain zuzen, hamar ontzi aurkeztu zituen Orio Arraunketa Elkarteak. Infantil neskek, infantil mutilek, kadete neskek, kadete mutilek, jubenil neskek eta jubenil mutilek parte hartu zuten lehian.
Goizean hasi ziren estropadak, eta arratsaldean jokatu zituzten finalak. Guztira, Orioko zortzi ontzik lortu zuten final nagusietarako sailkatzea. Hala, OAEko bi ontzik eskuratu zuten urrea beren kategorietan; Oier Ikatzetak eta Ugaitz Astigarragak infantil mutilen kategorian, eta Joseba Rodriguezek eta Mikel Lizarraldek jubenil mutilen kategorian.
Irudiak: @orioarraunean