Bihar, ostirala, udal hauteskundeetako kanpainako ekitaldi nagusia egingo du Orioko EH Bilduk. Datorren agintaldiari begira prestatu duten hauteskunde programaren berri emango dute koalizioko kideek, eta Anuska Esnal alkategaiaz gain, Nerea Kortajarena EH Bilduko legebiltzarkidea ere bertan izango da. 20:00etan emango diote hasiera ekitaldiari, Orioko plazan.
EH Bilduko kideek azaldu dutenez, "jai giroan" egingo dute agerraldia; hain zuzen, hauteskundeen aurretik izango den azkena. "Ekitaldi politikoaz harago", jatekoa eta edatekoa eskainiko diete bertaratzen diren herritarrei.