San Nikolas jaietako egitarauaren barruan, pilota partidak antolatu dituzte ostiralerako, abenduak 7 (Umeen eguna). Orioko pilotalekuan izango dira, 18:00etatik aurrera. Sarrerak takilan jarriko dituzte salgai, 5 euroan.
Guztira bi partida jokatuko dituzte ostiralean. Lehenengoa afizionatu mailakoa izango da, eta Urbieta-Esnaola (Villabona) eta Lertxundi-Aranalde (Orio) bikoteak lehiatuko dira. Jarraian, Titin III-Merino eta Urbieta II-Zabala bikoteen arteko norgehiagoka izango da.