Asteleheneko euriteen ondorioz Bentako bidean luizi handi bat gertatu da, eta errepidearen zati han hondatu egin da
Udaleko teknikariek egoera aztertu dute, eta konponketak egin bitartean, bidea ixtea erabaki du Orioko Udalak, bertakoentzat izan ezik. Izan ere, bidearen zati bat erori egin da, eta beraz, errepidea estututa dago tarte horretan. Bide-zati horretan ez dira bi auto kabitzen eta, segurtasuna bermatzeko, udalak bidea ixtea erabaki du. Inguruko etxe eta baserrietan bizi direnek izango dute pasatzea; baina gainontzekoek, ez.
Udalak abisatuko du bidea berriro irekitzen denean.