Atzo ireki zen Erregeen Kabalgatako danborradan izena emateko epea, eta lehen egunean 113 haurrek eman dute izena. Oraindik inskribatu ez direnek gaur arratsaldean izango dute horretarako aukera; kabalgatako antolatzaileak kultur etxeko lehen solairuan izango dira 17:30etik 19:30era, eta bertan eman beharko dute izena haurrek nahiz gurasoek.
Izan ere, haurrek erantzun bikaina izan badute ere, Erregeen Kabalgatako antolaketa lanetarako gurasoak behar dituzte. Hori dela-eta, kabalgatako lantaldeak boluntario gisa parte hartzera animatu ditu herriko gurasoak. "Oso garrantzitsua da helduen parte hartzea kabalgata aurrera ateratzeko", azaldu dute lantaldetik.