Datorren asteazkenean, abenduaren 14an, KomikHitzaldia emango dute Jakoba Errekondok eta Antton Olariagak Etxeluzen. Errekondoren Bizi Baratzea liburutik abiatuta, baratzea mundu askotarako ataria dela azalduko dute eta irudia eta komikia izango dira nagusi hitzaldian. 19:00etan hasiko da emanaldia.
Abenduan ere agenda betea
Egirarau zabala antolatu dute gaztetxean abendurako. Hainbat emanaldi eta tailer egingo dituzte Gabonak baino lehen.
Abenduaren 15ean bideo emanaldia egingo dute. Charles Chaplinen El Gran Dictador film mutua emango dute 20:00etatik aurrera. Hilaren 17tik 20ra opari tailerra egingo dute. Gabonetako opariak eskuz egiteko tailerra izango da.
Abenduaren 23an, ostiralean, kontzertua antolatu du Gure Bazterrakek. Señores, Giranice eta Pet Fennec taldeek joko dute 22:30ean.
Skate parkea irekita
Skate parke berriari erabilera emateko asteazkenero ateak zabalik izango ditu herri osoarentzat, 17:00etatik 20:00etara. Bestalde, hileko bigarren igandeetan ere ordutegi berarekin irekiko dute, nahi duenak erabiltzeko. Skate ikastaroa ere antolatuko dute Gabonetan, aurrerago emango dute informazioa.