Infantiletan lau taldetatik hiruk irabazi
Infantil Txikien kategorian, emakumezkoetan, denboraldiko bi jardunaldi jokatu dituzte dagoeneko. ZAST 20014 Haundi ZKE da maila horretako taldea. Jokatutako bi partidak irabazi eta gero, sailkapen orokorrean lehen postuan daude oriotarrak. Asteburuan Lezo institutuaren kontra jokatu dute eta 59-30 emaitzarekin irabazi dute.
Maila berean, gizonezkoetan, sailkapeneko hirugarren postuan dago ZAST 2004 Orio Txiki taldea. Jokatutako bi partidetako bat irabazi dute oriotarrek, asteburu honetakoa, hain zuzen. Axularren kontra 36-44 irabazi zuten, etxetik kanpo. ZAST 2004 Zarautz Txiki taldeak ez du horren ondo hasi denboraldia, ez baitu jokatutako bi partidetako bat ere irabazi. Aurreko asteburuko partidua 37-29 emaitzarekin galdu zuten Antigua-Luberriren kontra.
Infantil Handien kategoriako taldeak erraztasunez irabazi du partidua, 56-6, Lezo institutuaren kontra. Asteburuko partidaz gain, aurreko astekoa ere irabazi zutenez, sailkapenan lider dira oriotarrak, bii partidetatik bi irabazita.
Kadeteetan, oriotarrak hiru taldetan
Kadeteetan hiru taldetan daude oriotarrak. Talde horietako bat ZAST Lizardi da eta 37-58 galdu zuten Goierriren kontra. Beste taldeak ZAST 2001 eta ZAST 2002 dira. Biak multzo berdinean daude. ZAST 2002k irabazi egin du asteburuko partidua Bera Bera Illunberen kontra, 33-68 emaitzarekin. ZAST 2001 taldea, ordea, galdu egin du asteburuko partidua, 27-39, Oiartzunen aurka.
Sailkapenean ZAST 2002 taldea da liderra. Bi partida jokatu eta bi irabazi ditu, beraz, lau punturekin, taularen lehen postuan dago taldea. ZAST 2001 taldea, aldiz, sailkapeneko azken postuan dago.
Kadeteen errendimenduko ligan talde bana
Errendimenduko liga ere badago emakumezkoen kadeteen kategorian, ZAST ZARAUTZ ZKE izena du taldeak. Hiru partida jokatu dituzte kategoria honetan eta horietako bi irabazi dituzte. Ondorioz, bost puntu dauzka taldeak. Azkena, esaterako, irabazi egin dute Bera Bera Manteoren kontra, 38-32 emaitzarekin.
Gizonezkoetan ere badute kadete kategoriako errendimendu ligan taldea. ZAST ZARAUTZ ZKE izena du taldeak. Asteburuko partidua galdu egin dute Goierribus-Goierriren kontra, 49-61 emaitzarekin. Hori izan da orain arte galdu duten partida bakarra. Jokatutako lau partidetatik hiru irabazi dituzte eta bat galdu.
Talde hauek entrenamendu gehienak Zarautzen egiten dituzte, nahiz eta partida batzuk Orion jokatzen dituzten.
Partaidetza ligako taldea ere lider
ZAST ORIO 2002 ZKE Partaidetza Ligan dago eta talde hori Unai Arruti eta Unai Uriarteren esanetara dago. Hauek ere entrenamendu gehienak Zarautzen egiten dituzte, baina partida batzuk Orion jokatzen dituzten.
Kategoria honetako taldeak lidertza lortu du. Jokatutako lau partidetako hiru irabazi ditu eta bat galdu. Irabazitako partidetako bat asteburu honetan jokatutakoa da. 54-48 emaitzarekin irabazi zuten Petritegi Mundarroren kontra.
Junior errendimendukoak, seitik bi
ZAST ORIO ZKE izena du taldeak. Iker Gurrutxaga da neska horien taldeko entrenatzailea. Oraingoz sei partida jokatu dituzte eta horietatik 2 irabazi eta 4 galdu dituzte. Jokatutako azken partida lau punturengatik galdu dute, 42-26 emaitzarekin. Bera Bera taldearen kontra jokatu zuten partidua, Karelan. Bi garaipenekin taularen zazpigarren postuan, azken aurrenekoan, daude oriotarrak.
EBA ligako lehen porrota
Hasiera ona eman die EBA Ligako taldeak denboraldiari. Lehen bi partiduak irabazi egin zituzten. Asteburu honetan ezin izan dute punturik lortu Goar Artetxeren mutilek. Hirugarren garaipena eskura izan zuten, baina, azkenean, denboraldiko lehen porrota jaso zuten. 70-64 emaitzraekin galdu zuten Valle de Egues taldearen kontra.
Bolada onean iristen zen Ulacia Grupo taldea hirugarren jardunaldira, lehen bi jardunaldietan lortutako garaipenek eta batez ere Venta de Bañosen aurka bigarren zatian erakutsitako joko mailak hirugarren garaipena eskuratu zezaketela sinestarazi zituen mutilak.
Porrotak zortzigarren postuan kokatu du Zarautzeko taldea.