Larunbatean Gipuzkoako Aulki Mugikorreko Txapelketa jokatu zen Orion. Etxean ziren arraunlariek maila ona eman zuten, aurkeztutako 26 ontzietatik 19k domina lortu baitzuten: sei urre, zazpi zilar eta sei brontze.
Sei irabazle horien artean hauek daude: gizonezko infantiletako skull bikoitzeko A taldea, gizonezko beteranoetako skiffa, gizonezko kadeteen lemazain gabeko laukoa, emakumezko kadeteen skiffeko A ontzia, emakumezko kadeteen skull laukoa eta gizonezko kadeteen zortzikoa.