Urola Kostako Azpeitian egin zuen atzo Gure Esku Dago ekimenak abiatutako galdeketa eta han izan ziren Orioko ordezkariak, beren babesa adierazten.
Nahi al duzu izan euskal estatu independente bateko herritar? zen atzo Azpeitian egin zen galdera. Erantzutera erroldatutako 12.142 lagunetik 4.712 joan ziren. %39,4ko parte hartzea izan zen. Eta, horietatik 4.524 lagunek eman zuten baiezko botoa. 188 azpeitiarrek ezetz bozkatu zuten.
Zumaian eta Getarian datorren udaberrian egingo dituzte galdeketak. Aian eta Orion ere galdeketak egiteko asmoa dute eta hasi dira horren bueltan lanean, baina oraindik ez dute datarik zehaztu.