Egitarau mardula antolatu dute larunbaterako, Zaragueta Egunerako. 10:30ean hasiko da festa, hamaiketako internazionalarekin. Ondoren, ikasleen emanaldia izango da. Aurretik antolatzen duten ikuskizuna izaten da, urtero-urtero egiten dutena. Frontoian izango da emanaldia, 11:00etan. Bazkal aurretik beste emanaldi bat izango da, kasu honetan judokoa, 12:45ean.
Bazkaria izango da gero, 13:30ean haurrena eta 14:00etan helduena. Helduek bazkaltzen hasten diren tailerrak eta puzgarriak jarriko dira martxan, arratsaldeko 18:00ak arte. 16:30ean jolasak ere hasiko dira, ordu betez, 17:30ak arte. Jolasak bukatzean gurasoen eta seme-alaben arteko futbol partidua izango da.