Euria gogotik ari bazuen ere, ez herritarrak ezta inguruko abeltzain, nekazari eta artisauak ere ez ziren etxean geratu pasa den igandean, maiatzaren 22an. Goizean zehar beren produktu eta ganaduak erakusgai eta salgai jarri zituzten Asentzio Ferian. Eguerdian, Luis Erasok erakustaldia egin zuen frontoian. Motozerrarekin eskulturak egiten ditu Erasok, jende ugari joan zen erakustaldia ikustera.