Maiatzaren 17an, asteartean, Harora irteera egingo dute Orioko jubilatuek, Zaharren Babeslekuak antolatuta. 9:00etan irtengo dira Oriotik eta 11:00ak aldera iritsiko dira Harora. Han, hamaiketakoa egin eta 14:30ean Ochavo erretegian bazkalduko dute.
Txartelen salmenta maiatzaren 10ean, asteartean, egingo dute Babeslekuan, 16:00etatik 18:00etara. Prezioa 35 eurokoa izango da eta bazkide txartela eguneratua izan behar da txartela erosteko.