Danbolin Musika Eskolak 30. urte bete ditu aurten, 2016an. Urteurrena ospatzeko Danbolinfest antolatu dute. Bi egunetako festa izango da, apirilaren 15ean hasi eta 16an bukatuko da.
Ostiralean, 19:30ean izango da ekitaldia, Arraunetxean. Instrumentuko ikasleek kontzertua eskainiko dute.
Larunbatean, goizean goizetik hasiko da festa. 10:00etan kalejira egingo dute ikasleek. 11:30ean, ikasleentzat esku lanak egiteko aukera izango da, plazan. 12:30ean ikasleek saioa eskainiko dute, hori ere plazan. 14:15ean, leku berean, bazkaria egingo dute. 16:00etan karaokea antolatu dute, 17:00etan txokolatada izango da eta 17:30ean erromeria hasiko da. Erromeriarekin, festa giroan, emango zaio amaiera festari.