Jubilatu eta pentsionisten eguna ospatuko dute apirilaren 6an

Apirilaren 6an Jubilatu eta Pentsionisten eguna ospatuko dute Orioko jubilatuek, Zaharren Babeslekuak antolatuta. Bazkari jendetsua egingo dute Errasti sagardotegian, urtero bezala, 12:00etako meza entzun ondoren.

Bazkariaren prezioa 22 eurokoa izango da eta martxoaren 29an eta 30ean izango da salmenta, 16:00etatik 18:00etara, Zaharren Babeslekuan. Txartela erosteko bazkide txartela eguneratua izan behar da.

Autobus zerbitzua egongo da sagardotegira joateko. 13:00etan bi autobus aterako dira Goizeko aurretik, eta beste bi 13:30ean. Bazkaria 14:00etan hasiko da, eta bueltarako autobusa 18:00etan aterako da Errastitik.