Arratsaldeko 16:30ak inguruan, Donostiako Kursaal parean, Orioko emakume batek saneamendu kamoi baten tutu malguarekin hankak korapilatu, estropezu egin, eta burua espaloiaren kontra kolpatu zuen. Kolpeagatik erdi kontziente gelditu zen eta Donostiako Ospitaleko Zainketa Berezien Unitatera eraman zuten, anbulantzian.
Ebakuntza egin zioten 46 urteko oriotarrari. Eta, egonkor dagoen arren, larri jarraitzen du. Ertzaintza gertatutakoa ikertzen ari da.