Igande goizean jokatu zuten Orioko Mirotzek Idiazabalen aurka, Karelan. Partidua nahiko berdindua hasi zen, eta ez zen golik egon bigarren zatira arte. Oriotarrek sartu zuten lehen gola, Lufer Jimenezek hain zuzen, bigarren zatiaren erdialdean, eta partidua bizitasuna hartzen joan zen. Baina ezin izan zioten defentsari eutsi eta Idiazabalgoek berdindu egin zuten lehenengo, eta bigarrena sartu zuten ondoren, azken minutuetan.
Sailkapeneko hamaikagarren postuan daude orain Mirotzak, hamabost punturekin. Datorren asteburuan Donostian jokatuko dute, larunbatean, Muxarra Taberna taldearen aurka.