Ohi baino lehenago iritsi dira, aurten, inauteriak. Datorren larunbatean, otsailaren 6an, ospatuko dira Orion, azken urteetan bezala, desfilearekin eta festarekin.
17:00etan aterako da desfilea Bikamiotatik eta Talai Mendi Txarangak alaituko du bidea. Kalejira, Bikamiotatik hasi, plazatik pasa eta Karelan amaituko da. Ondoren, kiroldegian jaiak jarraipena izango du, Ezten Giro taldearen kontzertua izango baita.
Eguraldi txarra eginez gero, Bikamiotatik Karelara zuzenean joango da desfilea, plazatik pasa gabe.