Igande goizean Bera Bera taldearen kontra jokatu zuen Orioko eskubaloi taldeak. Hamaikagarren partidua jokatu zuten eta bederatzigarren garaipena lortu zuten neskek. Garaipen honekin hirugarren postuan jarraitzen dute oriotarrek.
Bera Bera sailkapeneko zazpigarren postuan dago. Hortaz, ez zen partidu erraza Oriok zuena. Garikoitz Garagarza entrenatzaileak azaldu duenez, partidua atzean sendo zaudela hasi zuten. Defentsan gogor. Arerioek golak sartzeko aukera gutxi izan zituzten. Baina Orioko neskek ere ez zuten erasoan asmatu. Kosta egin zitzaien jaurtiketa onak egitea. Hala ere, atsedenaldira 13-8 emaitzarekin iritsi ziren. Markagailuan aurretik ziren oriotarrak.
Bigarren zatiaren hasieran, markagailuan 5 goleko aldeari eutsi zioten oriotarrek. Baina lan ona egin zuten defentsan eta kontraerasoetan ere asmatu egin zutenez, aldea handitzen joan ziren oriotarrak. Azkenean, 29-17 markagailuarekin bukatu zen partidua.