Urteroko ohitura mantenduz, aurten ere San Silvestre lasterketa egingo da urteko azken egunean, abendauren 31n, eguerdian. Bi proba izango dira, haurrena eta helduena. 11:30ean eta 12:00etan hasiko dira, hurrenez hurren.
Haurren proban parte hartzeko ez da izenik eman behar. Baina helduen lasterketan parte hartzeko, bai. Karela kiroldegian eman daiteke izena, bi modutara: bertara joanda ala telefonoz hots eginda. 943 89 44 28 da telefonoa.
Bi ibilbide izango dira, proba bakoitzako bat prestatu baitute antolatzaileek. Haurrek buelta txikia egingo dute. Eta, helduek, lehendabizi buelta txikia eta ondoren handia egin beharko dituzte.
Parte-hartzea bultzatzen duen lasterketa denez, aurrenekoek ez dute saririk izango. Sari batzuk izango dira, baina parte-hartzaile guztien artean zozkatuko dira. Horretaz gain, lasterketaren bukaeran, Arkaitz tabernak salda banatuko du parte-hartzaile guztien artean.