Ohorezko erregionalek ezin izan zuten Hernani mendean hartu. 1-0 galdu zuten partida. Oriotarrak sailkapenaren behealdean daude. 18 dira ligan eta oriotarrak 15. postuan daude.
Jubenilek ere ozta-ozta galdu zuten, 4-3, Astigarragaren aurka. Jokatutako hamabi partidetatik lau irabazi ditu eta bat berdindu; hortaz, hamahiru puntu bildu ditu jubenilen taldeak. Puntu horiekin taularen erdialdea dago, 9. postuan.
Kadeteek irabazi egin zuten, erraz, gainera. 8 goleko aldearekin mendean hartu zuten SANSE taldea. 2-10 emaitzarekin amaitu zen partida, etxetik kanpo. Hamabi partidetatik hamar irabazita, lider dira oriotarrak. Bi puntuko aldea ateratzen dio bigarren sailkatuari.
Ohorezko infantilek ere irabazi egin zuten. Hauek ere erraz. Mendibeltzen jokatu zuten partida eta hiru goleko aldearekin, 3-0, irabazi zuten Añorgaren aurkako partida. Infantilek hamar partida jokatu dituzte, eta horietatik zazpi irabazi eta bat berdindu dute. Honela, taularen bigarren postuan kokatzen dira oriotarrak.