Emaitzen dantza izan da asteburuan futbolari dagokionean. Goi kategoriako taldeek ez dute zorterik izan eta erregionaletako bi taldeek galdu egin dute. Ohorezko erregionalek porrot egin zuten, ozta-ozta, gol bakarreko aldeagatik. 1-2 emaitzarekin amaitu zen partida, Elgoibarren alde. Etxekoen gola Alex Rodriguezek sartu zuen.
Erregional neskek ere galdu egin zuten, 3-0, Ordiziaren aurka. Emaitzak, dena den, ez du partida islatzen. Maila ona eman zuten bigarren zatira arte. Zail jarri zioten partida, estu, Ordiziari. Baina ez zuten lortu tartea txikitu eta punturen bat eskuratzea.
Jubenilekin iritsi zen asteburuko lehen garaipena. Etxetik kanpo irabazi egin zuten, Beti Gazte taldearen kontra, 0-2. Josu Saezek sartu zituen oriotarren bi golak. Eta, besteak beste gol horiei esker, hiru punturekin itzuli ziren Lesakatik.