Azaroaren 13an, ostiralean, organo eta baritono kontzertua emango dutea Jose Javier Etxeberriak eta Fernando Gonzalok. Bariko San Nikolas elizan izango da kontzertua, 20:00etatik hasita.
Etxeberria baritono donostiarra da eta hango musika eskolan egin zituen kantu-ikasketak eta Baionan sakondu zituen aurrerago. 1975ean Donostiako Orfeoiko kide egin zen eta Andra Mari Abesbatza eta Easo Koruan ere abestu zuen bakarlari moduan. Kantu irakasle moduan ere aritu da Gipuzkoako hainbat korutako kideekin. Lied emanaldiak ematen ditu azkenaldian eta baditu estilo horrekin eta Donostiako kantuekin grabatutako CDak ditu.
Gonzalo organo-jotzailea ere donostiarra da eta Valentzian egin zituen musika ikasketak. Hango musika eskolan eskuratu zuen pianoko goi-mailako titulua. Donostiara itzulita, organoko goi-mailako titulua eta klabezineko maila profesionalekoa eskuratu zituen. Espainian, Frantzian, Italian, Suitzan, Polonian, AEBn eta Kolonbian eman ditu organo-kontzertuak.
Hau da kontzertuaren programa:
Ave Maria........................................Jose M. Usandizaga 1887-1915
Ave Maria...............................................Tomas Garbizu 1901-1989
Martxa (organoa)..............................Alexandre Guilmant 1837-1911
Haurtxo Txikia.................................................................Herrikoia
Haurtxoa sehaskan.............................Gabriel de Olaizola 1891-1973
Scherzo (organoa)..............................Marco Enrico Bossi 1861-1925
Umezurtza.................................................Jose Olaizola 1883-1969
Fantasía (organoa)........................Jose Maria Usandizaga 1887-1915
Hil da txoria...............................................Jose Olaizola 1883-1969
Sierra de Aitzgorri (organoa).......................Fernando Gonzalo 1942-
Itxasokoa..............................................Antonio Gonzalo 1910-1987
Nostalgia...............................................Antonio Gonzalo 1910-1987
Ume eder bat...................................................................Herrikoia