Goiko kaleko festak bueltan dira. Iazko antolakuntzak festak berriz ere ez egiteko erabakia hartu ondoren, Galtzarri elkarteak antolatzeko ardura hartu du. Joan den ostiralean inauguratu zuten kurtso berria eta festa giroko lehen ekitaldia igande honetan izango dute, Goiko Kaleko Festen baitan.
10:30ean hasiko da jaia, San Martin ermitara kronoigoera egingo dute bizikletan. Jarraian, zinta-karrera egingo dute. Ekintza honetara ere bizikletaz joateko eskatu dute antolatzaileek. Ekintza horiek eta gero hamaiketakoa izango da guztientzat.