Ostiralean irekiko ditu ateak Galtzarrik. Eta, horretarako, esku zabalik jasoko dute Floren Aoiz nafarra. Politikan gaztetan hasi zen Aoiz eta ibilbide luzea egin du, besteak beste hamar urtez –1987-1997– Herri Batasunako parlamentari izan zen. Idazlea ere bada, Nafarroako historiari eta euskal gatazkari buruz idatzi ditu hainbat liburu.
Aoizek Tafallako esperientzia kontatuko du ostiral honetan, urriak 2. Horrez gain, Galtzarri Gune berriak Orion izan dezakeen funtzioaz ere hitz egingo du. Hitzaldia 19:00etan hasiko da eta amaitzean mokadutxoa eskainiko dute.
Bihar Galtzarri lokala inauguratuko duten arren, proiektua uztailaren 23an aurkeztu zen. Harrera ona izan du aurkezpenarekin batera abian jarri zen bazkide kanpainak, baina oraindik bazkide izateko garaiz zabiltza. Interesa duenak galtzarrigunea@gmail.com helbidera idatzi dezake edo Galtzarri Gunera joan daiteke. Biharko inaugurazioan, esaterako, aukera egongo da bazkide egiteko.