Aldatu egingo da arautegia urriaren 1etik aurrera. 1,35 zentimetro iristen ez diren haurrek ezingo dute aurrealdean joan, ezta hamabi urtetik beherakoek ere. Homologatuta aulki erabili arren, ezingo dute aurrean joan.
Hortaz, aurrealdean bi baldintza horietako bat betetzen dutenek joan dezakete soilik. Kasu horretan helduentzako segurtasun-uhala erabili beharko dute.
Gainontzekoek, atzean joan beharko dute, eta, nahitaez, homologatutako eustegailua erabili beharko dute, euren neurrira eta pisura egokitutakoa. 135 zentimetroko edo hortik gorako, eta 150 zentimetrotik beherako garaiera duten pertsonek ere helduentzako segurtasun-uhalaz gain, beren neurrira eta pisura egokitutako euste-gailu homologatua ere erabili dezakete.
Horren guztiaren gaineko informazioa eman zuten pasa den ostiralean Zaragueta Herri Eskolan. Lehendabizi haurrei eta ondoren gurasoei.