Etorri berriak diren ikasleentzat errefortzu eskolak jarri ditu martxan Udaleko Euskara batzordeak. Euskara maila hobetzea dute helburu eskola hauek, ikasturtean zehar zailtasun gutxiago izan ditzaten.
Astelehen, asteazken eta ostiraletan hartzen dituzte klaseak, ordu betez. Uztaila osoan arituko dira lanean, Onintza Manterola da irakaslea eta Danbolin musika eskolako eraikinean dira eskolak. Herriko bi ikastetxeetako haurrek parte hartzen dute, eta bi taldetan banatzen dira, adinaren eta euskara mailaren arabera. Hamabi ikasle daude guztira.
Sei urte daramatza Udalak ekimenarekin eta ikastetxeek ondo baloratzen dute zerbitzua.