Amaitu da ikasturtea, eta Orioko Curriculuma dagoeneko osatua dago. 2012an hasi zen bidearen emaitza jendaurrean azaltzeko garaia iritsi da, eta aurkezpen ekitaldia egingo du Orioko Curriculuma Sortzen elkarteak horretarako.
Ekainaren 12an, ostiralean, 18:30ean izango da ekitaldia, Kultur Etxean. Azken ikasturteetan eginiko ibilbideari errepasoa egingo dute han, eta azken honetan egindako jardueren bideoak proiektatuko dira. Ondoren, Orioko Curriculuma aurkeztuko dute arloz arlo. Amaitzeko, luncha egongo da.