Igandean, goizean goiz hasi zen bodyboard txapelketa. Hasieratik fin aritu ziren Mikel Atxega eta Unai Zubizarreta. Eta, amaitu ere horrela egin zuten, final txukuna eginda.
Bi oriotarrak finalaurrekoetan hasi zuten txapelketa. Aurreko urteko emaitzengatik final erdietan heldu genion txapelketari, azaldu du Zubizarretak. Baina, dena den, urduri zeuden, txapelketa guztietan bezala. Urduritasunak kontrolatzea lortu zuten, ordea, eta konfiantza irabazten joan ziren.
Atxegak azaldu duenez, finalerdiak puntuazio altuekin hasi zuen. Zubizarretaren finalaurrekoa parekatsua izan zen. Bukaerara arte oso parean ibili ginen; diferentzia markatzeko olatu bat behar nuen, eta, azkenean, etorri zitzaidan puntuazio polita lortzeko olatua. Ondo aprobetxatu zuen aukera Zubizarretak.