Lapurretara sartu dira bart gauean Eroski Cityra. 4:00ak inguruan hotsak entzun eta pertsiana erdi igota ikusi duela eta, Ertzaintzari deitu dio bizilagun batek. Iritsi direnean kristalezko atea hautsita topatu dute, baina ustez ez dute ezer eraman. Dendako arduradunek diotenez, diruaren bila sartu dira. Ez da produkturik falta, baina ezta dirurik ere, txanponak besterik ez baitituzte uzten kutxa erregistratzaileetan.
Ertzaintza lapurrak identifikatzeko lanean ari da, baina ez dute ezer lortu oraingoz.