Karkara.eus webgunean sartzea nahikoa izango da hauteskunde bezperako mahai-ingurua zuzenean ikusteko. 19:00etan hasiko da emisioa, mahai-inguruarekin batera, eta 21:00k aldera amaituko da.
Jakes Goikoetxea Berria egunkariko erredaktore buruak gidatuko du saioa, bera izango da moderatzailea. Mahaiaren bueltan EAJko Jose Anjel Zaldua, Orain plataformako Miriam Uranga, PSE-EEko Irma Domingorena –alboan Ana Priede zerrendaburua duela– eta EH Bilduko Emeterio Iribar egongo dira.
Guztira bi orduko iraupena izango du, gutxi gorabehera, mahai-inguruak. Ordu eta laurdeneko tartea moderatzaileak egindako galderak erantzuteko izango da eta azken 45 minutuetan herritarren galderak erantzuteko.