Maiatzaren 1ean eta 2an, asteburuan, Bizi Iturri saria jokatu da Aiako probalekuan. Orioko Olidenek eta Iñaki Olidenek, eta Aiako Patxi Arzadunek hartu zuten parte. Irabazlea oriotarra izan zen, Iñaki Oliden.
58 plaza eta 2,30 metro egin zituzten Iñaki Olidenen idiek. Akulari lanetan Oliden bera eta Inaxio Telleria aritu ziren; eta, Olidenek, Aiako Patxi Arzadunen eta Itziarko Erleteren aurka jokatu zuen larunbatean, maiatzaren 2an. Bigarren Arzadun gelditu zen, 54 plaza, 6 zinta eta 0,75eko markarekin. Hirugarren larunbatean lehiatu zen Iñaki Lopategi geratu zen 54 plaza, zinta 1 eta 1,58 metroko marka lotuta.
Sailkapen orokorra
1. Iñaki Oliden 58 plaza eta 2,30 metro
2. Arzadun 54 plaza, 6 zinta eta 0,75 metro
3. Iñaki Lopategi 54 plaza, zinta 1 eta 1,58 metro
4. Oliden 52 plaza, zinta 1 eta 1,66 metro
5. Gaztelu Iturgintza 50 plaza, 3 zinta eta 0,82 metro
6. Erlete 49 plaza, 2 zinta eta 2,15 metro
Aiako probalekuko 1.750 kiloko harriari 100 kilogramoko plaka gehituko zioten Bizi Iturri sarirako, hortaz, 1850 kiloko harriarekin aritu ziren.