Harmailak jendez bete ziren. Eserita ez ezik, zutik ere egon zen ikuslea. Zaleak adi-adi zeuden, ikuskizun estu eta bizi baten esperoan. Eta, kirolariek ez zuten hutsik egin.
Aimar Irigoienek 20 aldiz jaso zuen 155 kiloko errektangular zaharra, bost minutuko denboran. Honen atzetik Jokin Eizmendi gelditu zen, 15 jasoaldirekin; eta, hirugarren postuan, Iban Ugartemendia gelditu zen.
Sari berezian ez zen saridunik egon
Iñaki Gorostidiren izena duen txapelketan sari berezia zegoen, Iñaki Gorostidi berak, 77 kilo zituenean jaso zuen harria bizkarrean berdintzen zuenarentzat. Gorostidik esku bakarrez jaso zuen 185 kiloko harri zaharra garai hartan, baina, igandean, ez zen inor ausartu Gorostidiren marka hausten.
Sailkapena
1. Aimar Irigoien 20 jasoaldi
2. Jokin Eizmendi 15 jasoaldi
3. Iban Ugartemendia 13 jasoaldi
4. Telleria II.a 11 jasoaldi
5. Izeta II.a 11 jasoaldi
6. Urpe 9 jasoaldi
7. Aimar Galarraga 9 jasoaldi
8. Urrutia 8 jasoaldi
9. Imanol Illarramendi 8 jasoaldi
10. Jon Ander Maiza 5 jasoaldi
11. Martikorena 5 jasoaldi
