Martxoaren 14ean, larunbatean, Neguko VII. traineruen test-estropada jokatu zen Pasai San Pedron. Orio AEtik B eta nesken traineruak joan ziren estropada jokatzera.
Bi luze eta ziaboga batekoa izan zen nesken estropada. Laugarren postua lortu zuten Orio AEko neskek, 11:37,50eko denborarekin. San Juan izan zen nesken estropadan irabazle.
Mutilena, berriz, Hondarribiak irabazi zuen. Lau luze eta hiru ziabogako estropadan, hamabosgarren egin zuen Orio Bk, 21:15,94ko denborarekin.