Matrikulazio epea zabalduko dute datorren astean Maria Maestra haurreskolan, urtarrilaren 12tik 16ra, biak barne. Matrikulazio-aldi horren barruan, haurreskola barrutik ezagutzeko aukera izango du nahi duenak, ate irekien eguna egingo baitute astelehenean. Instalazioak ikusteko, hezitzaileekin hitz egiteko eta informazioa jasotzeko aukera izango du 17:00etatik 18:00etara gerturatzen denak.
Matrikulazio berriak
0-1 eta 1-2 urte bitarteko haurrentzat plaza libreak ditu momentuz haurreskolak. Horregatik, urtarrilaren 12tik 16ra bitartean matrikulatzeko aukera egongo da. Jaio diren haurrak bakarrik matrikulatu daitezke.
Matrikulatu edo informazio gehiago nahi duenak haurreskolara jo behar du 8:30etik 11:00tara edo 13:00etatik 16:00etara, edo telefono honetara deitu dezake: 943 89 06 25.