Bertsolaritza da Xabier Sukiaren ogibidea; afizioa ofizio du. Hitzarekin jolasten du bertsotan dabilenean, baita lanean ere. Euskadi Irratiko Hitza Jolas saioko esataria da. Bertsolaritzak eraman zuen komunikazioa ikastera, baina, orain, kazetari lanak utzi eta bertsotan arituko da.
Bihar, ostiralarekin, Sukia tabernan egingo den bertso afarian izango da. Jesus Mari Irazu eta biak izango dira bertsotan, 21:00etatik aurrera, 20 euroren truke. Interesa duenak Sukiara joanda eman dezake izena edo 943 89 21 29 telefonora deituta.