Nagusitasunez irabazi zuen erregional preferente mailako taldeaK Sanpedrotarraren aurkako partida. Trintxerpetik 0-4 garaipenarekin itzuli ziren etxera oriotarrak. Golak Dorronsorok, Solaberrietak eta Urdaingarinek sartu zituzten. Azken honek bi.
Orioko futbol taldeak 22 puntu ditu eta sailkapen orokorrean lehen postuan dago. Bigarrenari, Urnietari, bi puntuko aldea ateratzen dio eta hirugarrenari laukoa.
1. Orioko F.T. 22 puntu 7 garaipen, 1 berdinketa, 1 galdu
2. Urnieta K.E 20 puntu 6 garaipen, 2 berdinketa, 1 galdu
3. Vasconia C.D 18 puntu 5 garaipen, 3 berdinketa, 1 galdu
4. Trintxerpe C.D 18 puntu 6 garaipen, 3 galdu
5. Euskalduna S.D 18 puntu 6 garaipen, 3 galdu
Ohorezko jubeniletan 1-0 irabazi zuen Oriok Astigarragaren aurka. Jubenil nesketan ere irabazi egin zuen Oriok, 1-4 Intxaurdiren kontra. Kadeteetan bi multzoetan garaipena eskuratu zuen Oriok. 2-1 gailendu zen bosgarren multzoko taldea Ostadarren aurka eta 2-3 seigarren multzoko taldea Astigarragaren kontra. Infantil txikiek bost goleko aldearekin irabazi zuten Herreraren aurka, 0-5. Infantil neskek, F8 kategorian, galdu egin zuten 1 eta 4.