Bihar, hilaren 28an, Gipuzkoako Udalekin topaketa egingo da Donostian, Euskadi Lagunkoia Sustraietatik egitasmoa aurkezteko. Proiektuaren gidaliburu operatiboa egin dute aurkezpenerako, bertan Udalek beren udalerrietan proiektua finkatzeko eman beharreko urratsak zehazten dira.
Udalerri horien artean dago Orio. Herrikoen zahartzaroa aktiboa eta osasungarria izatea du helburu ostiralean aurkeztuko den proiektuak, eta Orioko Udalak bat egiten du jomuga horrekin. Hiri ingurune integratzaile eta irisgarria izatea lortu nahi da, eta pertsonen arteko bizikidetza eta adinekoen zahartze aktiboa sustatu nahi da.
Oraingoz 15 udalerrik egiten dute bat ekimen honekin: Oriok, Ordiziak, Hondarribiak, Idiazabalek, Zumarragak, Añanako Kuadrilak, Erriberagoitiak, Añanak, Armiñonek, Gaubeak, Berantevillak, Lantaronek, Kuartangok, Iruña de Ocak eta Zambranak.