Aurreko asteburuan ospatu zen Munduko Dardo Txapelketa makina elektronikoen modalitatean. Las Vegasen izan ziren hiru gipuzkoar: Jon Merino lasartearra, Rafa Mellado urnietarra eta Joseba Unanue oriotarra. Bikotekako modalitatean parte hartu zuten. Hiru egun jokatzen pasa ondoren, Unanue izan zen posturik onena eskuratzen: hamaseigarrena sailkatu zen 124 bikoteetatik. Valentziako Carlos Sanchez izan zuen bikote. Bestalde, Merinok eta Melladok 64. postua lortu zuten zuten. Ez dira guztiz konforme etorri lortutako sailkapenarekin.
Ondorio gazi-gozoak atera dituzte txapelketatik jokalariek. Batzuentzat lehen aldia zen horrelako lehia batean parte hartzen; Unanueren laugarren munduko txapelketa zen, ordea. Zerbait handia egiteko aukera eskura izan dugu, baina detaile txikiengatik ihes egin digu behatz artetik, dio berak.