Aurreneko aldiz Orioko Herri Ikastolan egurrezko taila eta eskultura ikastaroa egingo da. Ikastolako irakasle batek emango du ikastaroa, Antxon Mendizabalek. Izen emateko epea irekita dago jada.
Bi ikastaro izango dira, bata haurrentzako eta bestea helduentzako. Haurren taldean 14 urtetik 18 urtera bitarteko umeak bilduko dira eta 18 urtetik gorakoak helduen taldean. Haurrek astelehenetan izango dute saioa, 17:00etatik 19:00etara; helduek, ostiraletan, ordu berean.
Bakoitza bere mailan arituko baita, irakaskuntza pertsonalizatua egingo baita. Finean, ikastaroaren helburua ondo pasatzen ikastea da. Taila geometrikoarekin hasiko da ikastaroa, hurrengo mailan erliebeak egiten ikasiko da eta azken mailan bolumena edo eskultura ematen. Bakoitzari dagokiona erakutsiko zaio; hasi berria maila baxuenetik hasiko da, esaterako.Ariketak egin ondoren, bakoitzak nahi duena sortu ahal izateko aukera izango du.
Orioko ikastolako eraikin berrian izango dira eskolak, teknologia gelan. Ikastolak beste hainbat ikastaro antolatu ditu 2014-2015 ikasturterako. Batean ala bestean izena emateko ikastolako idazkaritzara jo ala 943 83 47 04 telefonora deitu. zen ematea azaroaren 28an amaituko da eta ikastaroa abenduaren 1ean amaituko da. Kuota 35 eurokoa izango da, hau da, hilero prezio hori ordaindu beharko da. Prezio horren barruan sartuko dira tresnak eta egurra, baita Antxon Mendizabalek egindako liburu bat ere. Nahiago badu, bakoitzak bereak ere eraman ditzake.
Informazio gehiago jasotzeko deitu ondorengo zenbakietara: 658710177, 943130408 edo 9432770
